【👧👦DIY精油泥膠】
2022年03月14日
【DIY精油泥膠】
咁早放暑假小朋友喺屋企做咩好煩惱點樣等佢哋keep住有嘢玩試下DIY精油泥膠,小朋友唔單止有得開心玩,仲可以感受精油嘅好處!
材料
麵粉 2杯
鹽 ½杯
分餾椰子油 2湯匙
滾水 約1½杯
他他粉 2湯匙
鍾意嘅精油 適量
天然食用色素(可選) 可以試下用甜菜頭粉或者藍艾菊精油!
步驟
將麵粉、鹽、分餾椰子油同埋他他粉倒入大碗,攪勻。
將天然食用色素慢慢加入滾水。如果用藍艾菊精油,請喺最後搓泥膠嘅步驟先加入。
將滾水慢慢加入步驟1嘅混合物。
攪勻到變得痴手,並變成麵團狀。
將15-20滴(或所需份量,直到您認為香氣強度合適)嘅精油加入泥膠。
靜置泥膠等佢冷卻,然後快速搓揉,直至唔再痴手 — 如果太痴手,您可以隨時添加麵粉。搓揉到理想手感,小朋友就可以落手玩泥膠喇!
好東西與好朋友分享,如果您有朋友還未認識精油產品,歡迎您原圖分享/Tag您的朋友,讓他們和您一起享受健康生活!
版權所有,歡迎原圖轉載分享。未經許可,不得擅改圖片內容,違者必究。